本文重點
港股上周五先高後低，收市跌144點，險守2萬點關，收報20,098點，成交額只有564億元。國企指數跑輸大市，跌136點或1.1%，收報11,433點。上星期港股日均成交額縮水到只有500幾億元，原因係大市缺乏方向，無人願入場。
國美暫守50日線
今日月結，志強博國美（00493）會做番好些少，股友話守咗咁耐都無起色，要考慮打靶。志強承認國美近日走勢係差咗少少，但諗住長線投資，守住50日線即2元水平，志強坐住先。
上海電氣（02727）公布業績後走勢逐步改善，其股價在業績公布前，曾跌穿3.3元，幸而業績唔係太差，僅倒退11%，好過市場預期，加上六月後內地用電量回復正增長，市場憧憬下半年定單大增，再吸引投資者入場。
德銀曾於本月十九日，以每股平均價3.443元增持1,000萬股上氣，明顯係睇好前景。今年上氣的境內發電設備定單接單情況不俗，首七個月已達347億元人民幣。至於有關電梯設備安裝、維修、保養業務亦見增加，表現出色。國務院啟動4萬億元人民幣拉動內銷計劃，以及開展十大產業振興計劃下，上氣應可受惠，值得留意。