賀壽險開業送CD

鄭海泉同王冬勝特登去埋上海，與湯德信及老建榮齊齊舉行記者會。

雖然話同行如敵國，據知滙豐嘅老拍檔平保都有派代表出席慶祝酒會，實行用行動支持。

滙豐一向以環球的本土銀行自居，管理層做足工夫，雖然佢哋應該講英文好過普通話，不過記者會就用普通話進行，湯德信呢位老外就要靠專人貼身傳譯。估唔到王冬勝嘅普通話蠻不錯，不枉佢喺內地打滾咗咁耐。期間仲有段小插曲，有位內地記者講啲諺語，幾位管理層都投晒降，呢位記者嘗試解釋，不過鄭海泉就好直接話聽唔明，太子反而最想知，湯德信嗰位即時傳譯點處理呢？