做得開心唔會賣盤

市場成日炒莎莎賣盤，近日個市旺，會唔會好多人用銀彈誘惑佢賣盤呢？郭生一聽就哈哈大笑，「你見我日日都扮到咁靚出來，我做得咁開心，點會賣？」

原來郭生畀人叫「莎莎郭」好多年，莎莎代表靚，自己叫得「莎莎郭」，又點可以唔靚？所以，佢日日都執到正一正出來見人！

講番盤生意，受豬流感影響，七月生意唔理想，但依家生意好番，四至八月同店銷售增長3至4%，八月仲有15%添！銷售額單係八月都升咗20%，四至八月就升咗8%。佢仲計劃喺銅鑼灣同尖沙咀開多兩間舖，新增1.9萬呎舖面添。生意好咗，難怪唔捨得賣。