本文重點
恒隆地產（00101）嘅豪宅物業「君臨天下」，早前賣個「滿堂紅」，就連公司兩大高層董事總經理袁偉良及執行董事高伯遒都唔執輸，各自買入兩個單位，共涉資8,457萬元，帶挈恒隆地產賺咗6,200萬元收益，果真「肥水不流別人田」。不過，公司強調今次並無明益佢哋。
不過，尋日太子睇恒隆地產通告，有段小插曲，通告嘅摘要中，寫明今次袁偉良及高伯遒是與作為賣方嘅港鐵（00066）簽訂買賣協議，身為高層無理由唔幫襯自己公司啫。
8457萬掃君臨4伙
原來只係一場誤會，睇埋通告詳細內容，原來港鐵只係代表恒隆地產旗下全資附屬公司AP World Limited作為賣方簽約，恒隆地產集團傳訊高級經理阿MAY話呢啲係一啲技術上手續。