中國企業協會旗下證券行業委員會已有二十多家中資券商為會員，幾乎你噏得出嘅「中」字派大型證券行都榜上有名。證券行業委員會現任主席係中銀國際副執行總裁謝湧海，佢剛剛至獲連任，可多做兩年。

籌備註冊獨立法團

證券委員會現任副主席陣容亦好強勁，包括光大控股執行董事兼行政總裁陳爽、國泰君安（香港）執行總裁閻峰等等。中資券商近兩、三年喺香港市佔率大增，有行內人士估計，起碼接近三成，佢哋成立獨立嘅組織，亦係好自然嘅事。