參賽者分享勵志故事

新地會邀請參賽者分享勵志故事，希望透過活動鼓勵28萬名會員以及港人與屋企人互相支持，是次參賽作品近5,000份，形式多元化，包括散文、短句、歌詞、照片、影片、圖畫及陶瓷等。獲得高中組冠軍嘅李偉霸係一位肌肉萎縮症病人，佢以口代筆畫咗幅畫，仲寫上「偉大嘅母親眠乾睡濕，無微關愛，不離不棄，養我育我」，表達對媽媽嘅謝意。

會員組冠軍係周嘉瀅，她對於新工作覺得好迷惘，終於忍唔住喺父母面前喊咗出來，有一晚，佢收到一盒最鍾意食嘅杧果糯米糍，附有一張字條寫上「親愛的女兒，請笑納。愛你的爸爸。」原來盒糯米糍係爸爸喺西餅店收工後，央求西餅師傅整嘅。