本文重點
中移（00941）董事長王建宙尋日與宏達（HTC）董事長王雪紅嘅一場「雙王會」，將王建宙台灣之旅推向高峰，雙方除簽訂總值4,700萬人民幣嘅OPhone手機合作備忘錄外，王建宙更在媒體面前大讚王雪紅心思細，再次證明王雪紅係盡得其父王永慶嘅真傳。
大讚王永慶千金夠細心
HTC靠Smartphone喺國際手機市場異軍突起，王雪紅因而被公認為王永慶家族成員中最出色嘅其中一員，王建宙話王雪紅最令人印象深刻，就係每次見面時，她都會細緻詢問中移客戶喺使用HTC產品時所遇到嘅問題及產品需要改進嘅地方，對於HTC執行長嘅周永明，王建宙話最叫人意外嘅，就係佢雖然作為工程師但卻酷愛雕塑。
其實除咗尋日「雙王會」外，王建宙尋日另一場重頭戲，係與遠傳董事長徐旭東、中華電信董事長呂學錦、Acer董事長王振堂及華碩董事長施崇棠等13位台灣電訊科技巨企管理層嘅午餐約會，足見台灣電訊業界對拓展中國內地市場嘅重視。