港股日升日跌，但個別見底回升嘅股份，應可開始留意。復星國際（00656）股價由月初嘅高位6.7元回落整固，最低跌至5.33元後，見底回升，上周五收5.99元，逆市升0.23元，動力已轉強，一旦升穿10日線（6.033元）同20日線（6.043元）可展新升浪，短期目標6.7元，中線可睇8元。
復星業務多元化，包括鋼鐵、房地產、醫藥、礦業、金融同零售等，○八年度盈利13.28億元人民幣，倒退60.4%，盈利大減，主要係鋼鐵同房地產業務提供盈利分別大跌85%同93.6%，以及一次性嘅匯兌虧損所致。
今年中央推出振興經濟政策措施已見成效，房地產回暖，鋼鐵價見底回升，零售同金融保險業亦回復興旺。而旗下復星醫藥持有47%股權嘅國醫控股正申請於下月公開招股上市，預期集團獲取可觀嘅特殊收益。復星有如和黃（00013）係綜合企業，隱藏龐大資產，潛力一但發揮，股價可以倍升。
復星國際（00656） 目標價：8.0元 止蝕價：5.3元