代言人合約一簽三年

不過，佢落機第一個見嘅人唔係咩政商要人，竟然係去見紅透兩岸三地嘅亞洲音樂天王—周杰倫，唔通王董係周董嘅Fans？

原來王董咁急見周董係因為要同佢續簽三年代言人合約，事關周杰倫早喺六年前開始，就係中移加值服務「M-ZONE動感地帶」代言人，佢唔單只創咗每三秒增加一個客戶嘅成績，更加喺內地掀起咗電訊大戰添！對公司業績有保證，在商言商，你話王董點可以唔急急腳搵周董先呀？

尋日，王董都有同人講，話今次嚟台灣最想傾嘅「大好事」，當然係佢哋中移以177億元入股遠傳單嘢啦。雖然家陣都未知台灣方面會唔會批，但王董話「路總係要行，咁先會有路喎」。