本文重點
內地股市昨日大幅反彈，帶動港股重返2萬點之上，恒指收報20,328點，升374點，不過成交額只有570多億元，反映投資者在市況反覆之際，多抱觀望態度。
二三線股仔熱鬧番些少，志強繼續持有國美（00493）及濱海投資（08035），反正近日短炒唔係咁易贏，睇長些少先有着數。
公布業績前炒一轉
恒芯中國（08046）將於下月公布業績，公司之前已發過盈喜，指過去九個月成功扭虧，預期可錄得重大溢利淨額，去年同期錄得淨虧損約2,020萬元。志強收到風，業績前會炒一轉。
恒芯昨日公布附屬北京金橋與楚天中視網絡訂立框架協議，成為後者於湖北省建設地面無線數字電視營運平台項目之主要承建商，消息刺激股價升12.8%，走勢突破，睇樣呢轉可以升破五十二周高位0.84元。
此外，西京投資最近以平均價0.75元增持恒芯，現時持股量已增至一成。睇番往績紀錄，西京買乜中乜，高位0.75元仲肯增持，即係恒芯仲有後着，業績前後至少睇1元，再有利好消息，梗係唔止呢個價。