依家潮流興講「等價交換」，咁股票市場又係唔係一個等價交換的地方呢？筆者對於呢點有保留。自問作為一個股友，買股票梗希望可以買得物有所值，賣則賣得物超所值。但當中牽連甚廣，淨係心理質素呢部分已係一門好深嘅學問。
尋日大市再來一個「大」單日轉向，之不過，全日最為顛簸的莫過於一眾細價股。早段跌幅較深時，唔少股友都不敵震倉，最後選擇損手離場。但隨大市企穩，股份亦見反彈回升。此舉令人諗起，早前在討論區上成熱話的「買股六部曲」，即係一睇就升、一升就追、一追就跌、一跌就驚、一驚就斬、一斬就彈。相信此時此刻，經已引起唔少股友們的共鳴。你呢？
講番市場消息，對於深交所公布最新的數據顯示，七月份基金以及社保基金分別從深市淨流出148.72億元和6.64億元，創下○九年最大月度的淨流出，所以唔少股友們都將過去呢幾日A股的跌市歸咎於此。不過，一開始已經講過，股票市場唔係等價交換，社保滿載而歸也不無不可。