如果傳聞係關於金融行業、地產以至實業,可信性可能高啲,但投資電影製作,仲話中投公司已開始與持有大量媒體股份嘅兩家美國私人資本公司進行談判,談判至少涉及一家荷里活電影製作公司,呢個消息真係好難令太子相信。
尋日仲有個消息話,中投計劃通過參與美國財政部旗下公私合作投資計劃(PPIP),購入20億美元嘅美國住房按揭證券。對於呢個較「正常」嘅投資,中投都係唔評論。