本文重點
最近美國公布嘅經濟數據，顯示經濟有觸底回穩之象，唔少投資專家更預期，今年第三季美國經濟將確認走出衰退，末季復甦勢頭將更趨明顯，美股道指有機會反覆向1萬點關推進。
主營消費品出口貿易業務嘅利豐（00494）剛宣布中期業績，雖然營業額為462億元，同比下降2%；但核心經營溢利達到16.97億元，增長11%；股東應佔溢利13.97億元，增長13%；每股盈利38.3仙，派息26仙。
中期業績表現理想
以今年首季海外市場之差劣，利豐呢份業績可以話係唔簡單，亦再一次展示出公司管理層表現卓越嘅一大優勢。
由於美國乃利豐嘅主要出口市場，佔公司營業額61%，若然下半年美國經濟持續展現復甦，相信其全年度業績可重現增長動力。
值得留意的是，利豐表示，見到許多收購及外判採購協議機會顯現。以截至今年六月底止公司手持現金及等值31.58億元，資產負債比率約為6%，財務狀況強勁，有足夠條件趁海外市場復甦之初執平貨，而相關消息更可視為刺激股價表現的催化劑。只是見該股短線升勢有點過急，較理想係等候回試23至25元承接，再謀入市機會。