李兆基證實已沽售10%股份，散戶及網民各有看法。散戶Michael認為，四叔沽10%股份是穩陣做法，不過擔心有散戶跟隨他沽貨，令本周恒指可能出現買貨少、沽貨多情況。Michael覺得恒指會於20,500至21,500點間上落，即使已準備短炒資金，亦不會貿然入市。
現時揸貨危險
散戶蘭姐說：「現時揸貨都好危險，四叔沽貨都正常。」她認為恒指會有深度調整，即使落到19,000點都未敢入市。
網民就有以下看法：「個市快爆升，25,000點。」「怪唔之得升唔破21,000點，佢每1,000點都沽10%喎，直到25,000點，要升都會好慢，都會畀佢沽番落來。」
