本文重點
行將退休嘅金管局總裁任志剛，出席活動買少見少。佢下周一會出席主持滙豐中國零售人民幣債券嘅發行儀式，大家又有機會睇到佢嘅風采。同場嘅仲有一眾滙豐高層，不過滙豐銀行執行董事王冬勝就放緊假，唔會出席。
任總帶親銀行公會訪京，總離不開為香港爭取更多人民幣業務。佢老人家呢幾年更經常將爭取增加在港發行人債嘅發債體掛喺嘴邊。講咗咁多年，今年終於見香港內地註冊嘅子行能夠來港發人債，任總點會唔到場賀一賀呢？
蔡耀君退休讀歷史
滙豐呢隻人債，好可能係任總首次、亦是任內最後一次到場親證香港內地註冊子行來港發人債，之後就要喺其他公開場合先見到任總，包括嚟緊九月舉行主研國際金融形勢嘅SIBOS論壇。人債主禮嘉賓包括滙豐亞太區兼滙豐中國主席鄭海泉等。
另剛宣布退休的金管局副總裁蔡耀君，原來辭官去讀史學。