受美股上周五做好帶動，港股尋日一開市就收復20,700點水平，雖然及後上證指數掉頭回落，恒指亦受拖累向下，但內地股市收市後，恒指便再上揚，最後收報20,929點。不過，全日成交金額減至713億元。
大市在缺乏成交下大升，當然令人想起「乾升」呢個字眼，加上上證指數持續回落，個人認為後市方向仍然未明，現階段貿然入市，風險頗大。
尋日國家統計局突然公布，原定昨日公布的七月份居民消費物價指數及工業品出廠價格指數，將改在今日十時召開新聞發布會時發布。此舉一度引起投資者的擔心，不過據知咁做，其實只係為了可以統一啲，一次過公布數據畀大家啫。
至於個別股份方面，尋日汽車以舊換新工作正式啟動，因此一眾汽車股都見異動，其中以駿威汽車（00203）升幅最大，全日升逾5%，收報4.39元。另外，未知是否受到呢個波動市影響，故即使金價收低，但昨日部分金礦股仍惹來一些避險資金的追捧，不妨繼續留意。