本文重點
經濟環境好咗，部分公司開始請番人，特別係內地已經有大公司請人，太子係講緊聯想（00992）母公司聯想控股，有內地傳媒引述公司消息人士指，聯想控股已經請咗幾十位投資人才，準備在投資領域大展拳腳，即係話，未來聯想控股旗下會有三家投資公司。
呢家新投資公司，仲傳聞係由聯想控股常務副總裁兼麥肯錫前全球資深董事、亞太區購併整合業務總經理吳亦兵領軍，可想而知，分量十足。
副總吳亦兵領軍
其實依家聯想控股旗下，已經有兩家投資控股公司，包括聯想投資，以及弘毅投資，呢兩家公司都算幾活躍，太子曾經喺新股投資者推介會上，同佢哋嘅代表有一面之緣。
可能各位見到聯想，只係想起電腦，但其實聯想控股旗下有5家子公司，除咗電腦及科技服務等業務外，仲有房地產、投資等項目，業務範圍係屬於全球性。睇嚟佢哋唔單止想做電腦，仲想做埋綜合企業。