尋日港股頗為波動，早段受內地股市顯著下跌影響，恒指曾低見20,339點。不過，市場水浸，當內地股市跌幅略為收窄，午後港股扭轉跌勢，加上期指挾淡倉帶動，港股回復升勢。志強最擔心的係大市結束升勢兼玩完，但睇番呢幾日市況，港股真係唔似要死，咁志強都放心繼續炒。開市見內地股市插得咁深，第一時間沽出中國水業（01129），以每股0.31元沽出，先離場觀望。雖然大市回升，但二三線股仔唔係好夠力炒，只持有國美（00493），唔坐咁多貨。
深圳國際（00152）作為深圳市窗口的紅籌股，應可受惠年中推出深圳綜合配套改革總體方案，並打造深港成為全球金融、貿易、物流、創新及國際文化創意產業的五大中心，深國業務均涉及物流行業，以其累計升幅，似乎未反映呢個利好因素。
深國亦持有五成深圳高速（00548）股權，可望下半年受惠經濟復甦，汽車流量及路費收入回升。至於深國手持的南玻A股，股價已較年初時升逾倍，南玻也逐步增加對太陽能光伏產業鏈的投資，正正受惠於近期熱炒的新能源概念。按道理，深國資產有望水漲船高。昨日在成交增加配合下，走勢突破，短線目標0.8元，現價買入，跌穿0.6元止蝕。