尋日恒指雖然最終以1點之差，未能守穩20,900點，但全日仍升逾400點，主要功臣當然係滙控（00005）同埋中國移動（00941）呢兩隻指數權重股喇。

轉眼間，呢兩隻大藍籌都已經逼近90元，故有見及此，尋日在討論區上，就有一群網友齊齊進行網上投票，估吓到底滙控定中移能夠率先變回紅底股，結果係……逾七成股友都認為中移變回紅底股的機會較大！

事實上，雖然大市短線續呈好淡爭持局面，部分股份亦漸見失去動力，但依昨日來看，好友仍略為佔優，所以現階段仍不宜輕言做淡，一眾熊仔熊女都係忍多一陣啦！