本文重點
太子聽BMI基金管理總裁沈慶洪（Patrick）講股票就聽得多，又知佢對風水命理素有研究，但原來氣象學先係佢由細到大嘅摯愛。佢話如果唔係因為讀氣象出路窄，都唔會轉咗去讀經濟。
出路窄 轉讀經濟
見佢對氣象咁有研究，太子一時冇為意氣象同天文嘅分別，口快快咁問佢有冇睇之前嘅日食，Patrick就立即指出呢兩樣嘢，唔少港人都搞唔清，話外國有分氣象台同天文台，但就係香港咁「特別」，要將研究天氣變化嘅「氣象台」叫做「天文台」，但就唔研究天文、星座。
Patrick話中三時佢同家人移居澳洲，大學畢業後佢就返嚟香港發展，九六年投身金融界至今。Patrick話香港始終係自己嘅地方，有感情。
佢又話，喺呢度搵食，好過喺外國，事業可以有較大發展。