滙控話計劃於明年下半年回歸A股，雖然至今仲未有實質時間表，但就表示現階段仍與內地部門密切溝通，進展唔錯。不過，尋日同啲「卜架」傾開偈，聽到其實佢哋就唔多希望滙控回歸A股，因為內地熱錢多，過往有唔少內地股民，都來港買滙控，故若回歸A股一旦成事，北水就難以南調，本地券商收入亦都會大大減退。

其中一個「卜架」更加表示，依家內地客戶佔公司總客戶達兩至三成。今年資金流入量更見積極，因隨着內地嚴密監管借貸資金流入股市，唔少北水就借勢流入炒H股，難怪金管局今年淨係接錢都接到手軟啦。