本文重點
證券經紀業協會成立已三十年，個會嘅名字亦沿用咗三十年。不過，呢個名字將會成為歷史。因證券經紀業協會已經決定改名，刪除「經紀」呢兩個字，新名為證券業協會。
主席李耀新解釋，雖然大家都好唔捨得個舊名，但因為要配合時代嘅發展，唔只局限於經紀，而係要擴大會員嘅基礎，所以委員會最終決定要改名。
該會委員話，近年佢哋到海外推介，發現唔少海外證券組織，以為證券經紀業協會只係代表經紀，一來範圍太過狹窄，二來亦好似唔夠檔次，所以有呢個改名行動。
本月選新主席
今個月協會將選新主席，估計兩名現任副主席，即大福證券集團（00665）執行董事李耀榮同嘉信控股董事馮煒能之爭。尋日嘅飯局，李耀新同李耀榮以主人家身份各坐一圍，呢個坐法，有冇玄機？