環球經濟復甦，金融界又再大玩「音樂椅」遊戲，好似摩根大通「星級分析員」龔方雄咁，尋日就被委任做中國區投行副主席，兼任中國綜合公司/企業融資主席，實行效法瑞銀張化橋同高盛胡祖六，跳去做投資銀行家搵真銀！
龔方雄○四年加入摩通，係摩通首席中國經濟師兼研究同策略主管，負責統籌成個中國研究部，佢向來係中國經濟「大好友」，同「大淡友」大摩前經濟分析師謝國忠可以話係一對孖寶。
此外，去年十月才離開美國銀行的資深銀行家王竝（Bing Wang）將再次重返娘家，話王竝回巢擔任董事總經理兼中國企業融資部主管。呢個新職位將常駐香港，負責中國企業融資及執行交易，同時會向美國銀行美林中國地區主席劉二飛報告。