一如所料，港股強勢仍然未改，恒指尋日一開市雖稍有回吐，但不久便急不及待地向21,000點目標再度進發，資金繼續在不同板塊之間遊蕩。當中，家電股可算係較為突出的板塊，海爾電器（01169）及創維數碼（00751）分別上升17.6%和16.73%。而新能源股亦見蠢蠢欲動，不妨繼續留意。
將今年新股熱潮推至高峰的金隅（02009），今日終於掛牌上市，網上討論區有網友就話，金隅暗盤價已經由9.8元升到10元樓上，故預期今日可見11元。無獨有偶，今日亦都係內地「大龍躉」中國建築A股首日上市買賣，兩隻新股齊齊上市，場面確係熱鬧，話唔定大市會趁勢進一步向上推進。
內地昨晚宣布下調成品油價，油股以及石化股今日料會有一番異動。