睇真啲，鄭海泉身邊仲有佢夫人鄭曹志安、滙豐亞太區可持續發展總監區佩兒以及代表滙豐義工嘅「大蜜蜂」，先至記得嗰日係「711全港賣旗日」，鄭大班係冒住風雨落區同一班賣旗同事打氣！滙豐義工由中環賣旗賣到落灣仔，鄭海泉亦馬不停蹄兩頭走去探訪同事，佢哋見到上級親自落區都士氣大振，落力到連鄭海泉都唔放過，佢當然為善最樂，太子估佢都會捐得特別開心。

員工全家出動賣旗

上周末天氣唔好，不過區佩兒話滙豐仍有超過280個員工同家屬一齊賣旗，總共投入1,700個小時。聽講有啲員工仲帶埋仔女參與賣旗，唔單止做善事，仲可教埋仔女價值觀以及共敍天倫。