本文重點
想同股神巴菲特食餐飯，隨時要畀過千萬港元做慈善先至得，不過如果你係NBA勁旅克利夫蘭騎士球星勒邦占士（LeBron James，外號「大帝」），唔只唔使畀錢，仲被邀請出席包括股神在內嘅超級富豪夏令營，股神還親自駕駛高球車接送占士，占士面子實在夠大，反映兩人友誼真係好好！
蓋茨都係營友
占士籃球技術好係人都知，點知原來EQ仲要好，雖然身家無幾百億美元，又無讀過大學，但係股神巴菲特同微軟蓋茨仲係邀請占士出席佢哋响Idaho太陽谷舉行嘅夏令營，呢個名為「億萬富豪夏令營」由投行Allen & Co.舉辦，營友除股神和蓋茨，仲有新聞集團梅鐸。
占士同股神相約喺夏令營高球場見面，自己仲揮桿打番場波，佢仲大面到股神親自駕駛高球車接送四圍去。
市場人士話，占士大可借助今次「現身」夏令營，增加自己曝光度，「鯉躍龍門」跳出克利夫蘭，走去「大蘋果」紐約，令呢位球星名聲延至全球！