人生低潮有女友撐

佢好深情咁同太子講，好多謝女友喺佢人生最低潮時支持佢，因○三年沙士後，佢爸爸間證券行執咗笠，爸媽離婚，前女友離開佢，投資又失利。

不過，Dickie終於同Eva一齊走過呢啲風風雨雨，證明佢哋打風都打唔甩。就好似佢哋影婚紗相咁，Dickie話都幾多阻滯，改咗六、七次期，唔係攝影師辭職，就遇着落雨和打風，好似上星期諗住打風影唔成，點知星期日卻風和日麗，佢終於可以同女友坐住架靚靚遊艇出海影婚紗相。

佢又話，早前女友家畀賊入屋爆竊，好彩屋企無人，但好可惜嘅係佢買畀女友隻訂婚鑽戒都畀個賊偷埋，佢惟有買過第二隻鑽戒畀女友，Dickie笑言依家咪要上多啲節目搵番啲錢囉！其實佢哋經歷咁多風雨，都能走埋一齊，亦再一次證明佢哋有緣分啦。