喺一片中國企業要實現「走出去」嘅聲音下，方風雷唔把握機會向外國投資，反而同中糧聯手投資蒙牛，有熟悉方風雷嘅人士就話，呢個其實應驗咗方風雷過往所講「投資都要有歷史文化情懷……學了詠春也不能去佛山耍」嘅「投資心法」！

方風雷過往由於同高盛合作喺內地成立高盛高華，而喺華爾街打響名堂，不過佢就曾經同身邊嘅朋友講「美國人是我們的老師，但你不能老想着跟美國人練」，認為喺投資銀行嘅世界入面，中國人必須懂得以自己嘅方法掌握本土嘅發展機遇。

蒙牛員工獲贈購股權

講開蒙牛，成功引入中糧同厚樸為大股東肯定可以提高公司實力，但係員工嘅努力亦唔可以忽視，蒙牛日前向員工及董事發出共值16.46億元，每股行使價18.54元嘅員工購股權，以鼓勵員工在未來取得更好嘅成績。