大排筵席表揚

呢次宴會喺上月十八日舉行，滙豐亞太區主席鄭海泉、亞太區行政總裁霍嘉治、滙豐銀行執行董事王冬勝以及一大班部門主管都有出席，可想而知，高層幾咁重視員工做義工嘅貢獻。咁受管理層重視，同事做義工當然有唔錯嘅成績。鄭大班好自豪咁話，滙豐員工去年總共做咗6.4萬個小時義工，折算起嚟即係有成七年幾，成績令人驕傲。

大排筵席之餘，當然唔少得表揚最熱心嘅同事。太子覺得特別值得提嘅，係攞咗「全年最高參與獎」嘅凌顯政，因佢唔單止每個周末都參加義工計劃，有時仲帶埋太太參加，已經第三年拎呢個獎。成家人都咁熱心，果然值得表揚。