佢話中國2萬億美元嘅外儲，遇人不淑所託非人，唔小心嫁咗畀美元老公，家陣仲已經產子生根添（有估計外儲中至少有六成為美元資產，當中主要係美債）。

拋美債僅屬發牢騷

當美元老公行為不軌嘅時候，外儲怨婦嘅怨憤可想而知，但又唔可以出走，事關只要中國一拋售幾百億美元國債，隨時可能會引發美債震盪，令到外儲遭到浩劫。同時，喺隔籬嘅歐元先生同對面嘅圓元先生都唔係好男人，外儲太太唯一可以做嘅就只係高調咁發吓牢騷，拋幾日美債，呢啲其實同兩夫妻小打小鬧無分別。

家陣嫁錯郎嘅中國外儲，可以做嘅都不外乎「一哭二鬧三上吊」，最多間中威脅一下，最終惟有等人民幣走出美元嘅豪門，自立門戶，相信裙下一定會有好多追求者。