周文耀早前話並不認識李小加，咁今次兩人「歷史性會面」，有冇擦出火花呢？聽聞，兩人就港交所多方面交流意見，商談氣氛良好。

周文耀之後仲介紹咗港交所各個部門主管畀佢認識，各人介紹自己同工作範疇。

有見過李小加嘅人都話佢個人幾親切，講普通話之餘，英文講得非常好。

周獲科大榮譽院士

講番周文耀，尋日佢獲香港科技大學頒授大學榮譽院士，雖然佢戴帽已好多次，但今次佢都幾感動，因為介紹佢嘅文章，寫得非常精彩。

周文耀話自己感到好榮幸，甚至有啲受之有愧，佢好多謝科大認同港交所係本港金融重要的部分，未來港交所會更努力。