陳總同太子講，最恐懼係因為當時都唔知發生咩事，畀人問起想解釋都解釋唔到，仲要面對數以萬計嘅員工、已經成為咗老友嘅供應商同埋銀行，大家都要生存，如果處理得唔好，都唔知國美同埋呢一班人以後點樣喺社會上立足，當時壓力真係好大，亦都好迷惘。

好彩佢發現唔係自己一個人孤軍作戰，事關佢哋成個管理團隊都喺度撐住，事件發生到依家七個月，國美幾乎已經走出咗陰影，佢發覺原來畀多啲管理層參與決策，只會令公司愈走愈好，當然係同度患難之後，公司都唔會虧待佢哋。

一身鬆晒想放假

陳總仲話，好耐都無放過假，依家一身鬆晒，可以計劃吓請兩日假休息一下，太子心諗，兩日假點夠休息，至少都兩個星期啦！