尋日期指結算，不過大市就呈悶局，成交金額只有500億元。事實上，由年頭至昨日為止，恒指已累升逾4,000點。以前碰上跌市，基金就話都要出來粉飾吓個櫥窗啫，但年初至今，恒指、藍籌、二三線甚至細價股都升得有板有眼，芬佬搵埋都唔少，所以「整靚盤數」嘅積極性亦自然冇咁強，單睇尋日個成交金額便可略知一二啦。因此，縱使今日係○九年上半年的最後一個交易日，相信市況仍會維持牛皮。

講番市場消息，尋日發改委表示，預計在一系列振興汽車行業的政策下，今年上半年內地汽車產銷量將達600萬輛，而為了輔助汽車行業未來兩三年有更好的發展，故料今年所頒布的多項支持汽車產業政策將延續至明年，對汽車股來說，不失為一個利好消息，話唔定又會惹來一番新憧憬。