本文重點
唔少人都鍾情打高爾夫球，聯想集團（00992）董事長柳傳志原來都係其中一位，仲透露最近打波時試過一桿入洞，不過謙虛嘅柳總話自己都係好彩，入咗係好偶然嘅事，因為佢話自己打波嘅技術其實只係好一般，仲話嗰個洞其實好近啫。
爆楊元慶急躁缺點
起初太子以為個洞真係好近，點知講講吓，竟然話個洞有130碼咁遠，佢話如果200碼就肯定入唔到，柳總確實太謙喇。太子亦愛打高球，通常130碼一桿入洞要請食飯，亦有話一桿入洞嘅會旺三年，總之就唔係咁易做到，佢希望係一個好兆頭。
太子傳媒老友透露，柳總接受訪問時，又再被問到點睇轉任首席執行官嘅楊元慶之表現，今次佢老人家罕有地提到楊總响聯想收購IBM時確暴露咗些少缺點，而急躁就係其中一項，不過柳總始終都以「很出色」形容楊總嘅表現。
打高球亦切忌急躁，唔知柳總有冇帶楊總打波，學習避免急躁。