太子聽到呢個消息之後，都戥佢高興，話晒佢都係港交所嘅非執董，惹官非始終唔係幾好睇。

獲撤銷海域案被告

話說當年海域爆煲，海域集團（已委任臨時清盤人）同其中3家全資附屬公司申請，高等法院喺○七年八月二十三日向海域集團所有十五名董事，當中包括曾任前獨立非執行董事嘅李君豪，就佢哋違反法定、監管或其他責任發出傳訊令狀，以及就○五年十一月一日簽訂嘅一宗合約作出失實陳述，以及有所疏忽而引致公司蒙受嘅所有損失，對被告人索償，連同利息及費用合共1.11億元。海域集團嘅律師喺今年六月五日經修訂嘅傳訊令狀之中，李君豪已從被告人名單中刪除。李君豪就向港交所表示，佢未曾收到令狀，亦無就有關法律程序被傳召作出抗辯，依家獲撤銷被告人身份後，亦再沒有涉及任何海域嘅官非。

李君豪今次咁緊張要還自己一個清白，唔知同去年參選港交所董事時，曾被人揸住呢點做攻擊有無關係？