本文重點
上周A股表現，受到國務院指嘅當前經濟「企穩向好」言論刺激，滬綜指上周五收報2,880點，創近十多個月以來嘅收市新高，全周升幅接近半成。為了確保重啟IPO萬無一失，相信短期A股會繼續保持反覆向上，阿莊睇好嘅光大控股（00165）嘅表現，而中保（00966）亦大可放心持有。
此外，持股組合中嘅旺旺（00151），上周已確認突破4元關，阿莊計劃短期內睇位增持，中期目標上調至5元。
為了配合兩岸經濟發展，國務院早前已確立海峽西岸經濟區，福建省成為資金緊盯嘅新興投資熱點，內地傳媒更預言，福建廈門市將發展成猶如今日珠三角嘅「深圳」。
受惠海西經濟發展
單係今年，福建省投資基建總金額超過一萬億元人民幣。預計喺一五年底前，省內將形成「三縱八橫」高速公路網，以連接港口至內陸省市，而包括廈深鐵路嘅五條快速鐵路線，亦會陸續完工。大量工程需要資金到位，招商引資有其必要，據聞本周便有數十個福建省嘅基建項目在港招商。
阿莊相信，未來海西區內嘅港口基建及相關配套設施將逐步完善化。廈門港務（03378）主營國際及內地貿易集裝箱、散雜貨裝卸及港口配套增值服務，乃廈門市最大嘅港口碼頭運營商，喺福建省嘅市場佔有率超過一成。「海西區」嘅國家戰略層次鮮明，區內港口物流將成為重點扶持嘅產業，可想而知，廈港身價亦「水漲船高」，未來不愁發展機會，可視為最具發展潛力嘅港口股。
本周福建省項目在港招商，見上周五，同屬海西概念股嘅閩信（00222）已經率先起步，股價以大成交向上突破，升12%，收報3.77元，成交金額4,894萬元，順勢睇實廈港，目標再試上月高位1.88元，跌穿1.38元先行止蝕。