內地有消息指，對於國務院決定在境內證券市場實施國有股轉持政策，暫時回應都係認為利多於弊，因此市場憧憬消息可對股市產生刺激作用，故A股也連番做好，上周五上證指數更收報2,880點，難怪有人認為，上證指數可於短期內突破3,000點大關添！

至於沉寂了一輪的新股，近日再度掀起熱潮，雖然唔可以同○七年嗰次相提並論，但趁住大市反覆牛皮上落，股仔又要回氣整固，資金於是將焦點轉移到新股身上。

對股民來說，新股中最熟悉的應該係洗髮液生產商霸王國際（01338），故股份未正式招股，連招股價都未有，網上討論區已有留言指：「霸王暗盤價升了三倍！」雖然只係笑話一則，但似乎看好其上市後表現的真係大有人在呢！