19/06/2009

播放本新聞相關短片
 
股價號碼: 

周文耀告別騷滿場飛

尋日係港交所(00388)上市九周年酒會,今年酒會嘅主角非行政總裁周文耀莫屬,佢最後一次以總裁身份出席酒會,出席嘉賓包括所有小記等,無不圍住佢影相留念,合照又有、單獨照又有。有口痕友話,佢影每張相收錢嘅話,肯定收到手軟!

與李小加隔空過招

周文耀last show,除咗小記依依不捨,主禮嘉賓上台致辭時亦特別提到周文耀即將離任,並且多謝佢多年對交易所嘅貢獻;前晚至同候任行政總裁李小加食飯嘅蔡陳葆心,亦話李小加喺飯局都讚揚周文耀,蔡太亦好認同佢嘅睇法。對於李小加前晚話自己有好多嘢要向周總學習,「big shoes to fill」(有好多改善空間),周文耀亦謙虛回應一句,「my shoes are not big」。兩任總裁,隔空對話,都算精彩。至於兩人交接如何?周文耀就話過渡期會一齊處理交易所事宜,管理團隊亦會支持李小加,如未來三年策略計劃,周文耀亦會將佢介紹畀其他交易所認識。

尋日李小加為免成為酒會風眼,識做地冇來。太子傳媒老友喺酒會見到另一個嘉賓馬時亨,佢身形比以前fit好多,洋名係Fred Ma嘅佢,被老友行政會議成員張建東,笑話應改名為Fit Ma,馬時亨笑說,自己腰圍減到33吋,啲褲都要改。所謂無官一身輕,從馬時亨臉上,真係最佳寫照。

周文耀明年初退任後,又係一身輕,明年今日會唔會以股東身份出席酒會,大家拭目以待!

投資要精明 助你成為投資達人
詳情瀏覽on.cc《精明理財》