樓市慘淡,美國財政部長蓋特納手上嘅豪宅連賤賣都冇人要,惟有放租,最慘係就算成功出租,租金都唔夠畀供樓錢。
太子八到,蓋特納間豪宅有五間大房,歷史悠久,一九三一年興建,兩夫婦喺○四年以160.2萬美元買入,由於佢要去華盛頓工作,打算賣咗紐約市郊區嘅豪宅,想以163.5萬美元放盤,扣除經紀費同物業轉手稅,虧少少都照賣,可惜樓市慘淡,幾個星期後,減至157.5萬美元都無人要,最後轉咗做租盤。
聽聞間豪宅嘅月租7,500美元,但係咪以為租金回報率好高,查實佢間豪宅兩筆抵押貸款要125萬美元,仲要每年2.7萬美元嘅財產稅,好明顯係租金唔夠畀供樓錢。