本文重點
港交所（00388）尋日正式宣布摩根大通中國區主席李小加會加入任行政總裁，不過，卻發生一段小插曲。話說一家外國通訊社卻擺了一個大烏龍，竟然將李小加與港交所前主席李業廣掉轉，以為係李業廣回歸港交所。單新聞一出，大家都嚇了一跳，好彩，那家通訊社好快亦知道出錯，作出更正。
與李小加均叫CHARLES
點解會搞出個咁大咁大嘅烏龍？估計可能係因為李小加洋名係CHARLES LI，而李業廣洋名亦係CHARLES LEE，兩個洋名都叫查理斯，所以就掉轉咗。
不過，有口痕友就話，就算兩人洋名相同，但李小加出任港交所行政總裁呢單消息，大大話話已傳咗成半個月有多，好多人已知道，點解仲會當咗係李業廣，真係考起大家？況且李業廣○○至○六年係港交所主席，又點會無端端去做行政總裁？
呢單「李業廣回歸港交所」消息，都算係匪夷所思！