新能源發展振興規劃再度被市場提起，惟內容經已毫無新意，但隨着消息愈傳愈密，相信距離真正推出的日子應該不遠了，不過部分相關股份累積升幅就略嫌過大，此時此刻追入風險頗高，需要留意。

內地3G的發展情況備受市場關注，皆因有別於球場，三雄鼎立之下，當中競爭之激烈，股友們從早前電訊商公布上客量下跌，亦可知一二。尋日，中國聯通（00762）就似乎再沒耐性等候，率先打破悶局，推出革命性的3G收費套餐，除取消了手機漫遊、手機長話費外，同時亦實行完全的單向收費，而用戶在外地接聽電話時亦同樣免費。一出招，聯通昨日就被市場追捧，股價更曾一度高見11.98元，而兩位行家中國移動（00941）及中國電信（00728）則齊齊下跌。

雖然俗語有云，有競爭先至有進步，但對投資者來說，邊個爭得贏先至係最重要，但一日未分出勝負，對投資者來說始終係一種不明朗因素。