上市提名委員會係由六人擔任，港交所及證監會各佔一半。港交所方面，由三名董事夏佳理、史美倫及施德論負責。證監會方面，就由主席同兩名執行董事出任。

有份揀上市委員

太子記得，挑選下任港交所行政總裁嘅遴選委員會，由五名港交所董事夏佳理、史美倫、李君豪、鄭慕智及陸恭蕙（已離任）組成。換言之，夏佳理同史美倫，喺呢兩個咁重要職位嘅揀蟀上都有決定權。有中環友就話，夏佳理係港交所主席，自然喺好多方面有話事權，而史美倫喺兩個職位揀蟀上亦擔當重要角色，唔通佢都想做kingmaker（造王者）？

難怪依家已有中環友「貼」史美倫可能係下一任港交所主席熱門人選。夏佳理○六年開始出任港交所主席，按最長六年任期計，夏佳理仍有三年任期。

講開又講，今個月十八日係港交所上市九周年酒會，斷估會發邀請函給李小加，嚟唔嚟就到時至知啦！