周三期指結算日，港股再度大挾淡倉，恒指收報17,885點，勁升接近900點。熊仔熊女自然成為犧牲品，全日一共有39隻熊證被強制回收。數一數，依家市場上，觸及18,000點就會被收回的恒指熊證就仲有11隻，街貨量約3.9億份，大戶趕盡殺絕唔係無可能。不過，前晚美股一跌，又可能為今日市況帶嚟變數。
東北電氣（00042）於過去幾個交易日突然攀升，市場一度有傳集團獲股神巴菲特洽談入股，之但係集團之後停牌作澄清，講明並無股神入股一事，相信股價將有回吐。
另一方面，中國銀行（03988）走勢就真係不俗，股價更首度升穿自去年十月以來的阻力區間添，到底真係一如市場所講，係市場追逐滯後股，抑或係人民幣試點有任何進展，值得繼續留意。
中行股價首度升穿自去年十月以來的阻力區間，值得繼續留意。