舊年九月被美國政府臨危授命接任做美國國際集團（AIG）行政總裁嘅利迪，正式提出辭去主席及行政總裁兩個職位，一旦董事會找到人選便會離去。利迪坦言這份半年期嘅工作實在「可怕」，相信無邊位真正願意做，因為當中有太多政治問題要處理。
利迪就快離去，當然肯講真話。佢好坦白咁話，AIG阿頭呢個位，係美國有史以來最需要智慧嘅職位，因要對企業進行最大規模嘅改組變革。
第五度換舵手
計埋利迪，○五年至今AIG已經五度更換舵手。利迪早前已表示會喺今年五月向董事會呈辭，但一定會在提名新董事之後。利迪已向董事會提名六位新董事，當中包括西北航空前行政總裁Douglas Steenland。