本文重點
近月有輪商出新招搶客，又有輪商向同行挖角。最新有傳聞話前高盛執行董事，即係前「輪后」李頌慈（Cheril），快將復出，仲會加盟巴克萊銀行。但睇怕都係誤傳居多，因巴克萊今個月先請咗個新代言人黃紹良。
據知Cheril去年十一月向高盛請辭後，一直都有同舊行家聯絡，仲不斷有人想斟Cheril復出，難怪出現呢個傳聞。可惜依家都仲未搵到當事人證實真偽。問新上場嘅巴克萊亞太區股票衍生工具推廣主管黃紹良，佢都話無聽過有關傳聞。
中銀國際參戰牛熊證
牛熊證市場鬥到你死我活，第十二家牛熊證發行商已進場，但爆冷竟然係中銀國際，因為一直盛傳瑞信及美林將會推出牛熊證。中銀國際已向港交所（00388）入紙推出一隻滙控（00005）牛證，收回價59蚊，下周五上市。