金像獎最佳新演員提名除白只及春夏表現令人刮目相看外，雷琛瑜（J.Arie）在《死開啲啦》的表現亦備受肯定，其中粗爆場面令人留下深刻印象。她談到得獎機會卻未存厚望：「都係嗰句，入圍當贏咗喇！冇壓力嘅，希望業內前輩留意到我哋呢班新人，日後多啲拍戲機會。我已經揀定戰衣，諗住扮靚靚去參加派對！（睇好邊個得獎？）覺得白只有豐富嘅舞台表演經驗。」

J.Arie坦言對得獎未存厚望。

今次接拍該片，J.Arie坦言感激監製林家棟給予機會，過程中更狠狠地將她「鞭屍」：「Ending嗰場戲，佢要我喺旺角街頭潑婦罵街咁鬧前男友，本來我喺屋企排到好熟，但去到現場又係另一回事，結果15、16 Take先收貨。又試過有場戲講我爆喊狂質自己食蛋糕，足足食咗幾個磅幾兩磅嘅餅，搞到成面Cream。」她打算繼續留在影壇發展，日後希望像湯唯及趙薇般，能駕馭不同類型的角色。

髮型：Kenki@Queen's Private I

化妝：Jessica Chan

服飾：Amelie Street