林峯前晚現身頒獎禮，首度親身回應被無綫封殺一事，直言事情未必到他控制：「自己做自己嘢啦！」而曾揚言封胸的陳靜前晚在傾盆大「乳」中現身，笑言絕對堅料上陣，反而擔心加墊後誇張到太恐怖！

捧走兩獎的林峯開腔回應被無綫封殺一事，慨嘆唔到佢控制。

DaDa以黑色Bra Top夾出事業線，發出暴「乳」警告！

身穿白色通花上衣透黑Bra的胡定欣，與陳展鵬一同出席頒獎禮。

吳若希（圖）清新Look上陣，同露半邊背的高海寧有得撼！

高海寧

陳靜（DaDa）前晚以黑色Bra Top披西裝褸性感現身頒獎禮活動，同場有Twins、林峯、吳若希（Jinny）、胡定欣、陳展鵬及林夏薇等，雖然Jinny以Tube Dress花裙上陣，胡定欣亦以通花透黑Bra的打扮亮相，但依然不敵勁騷4吋事業線的DaDa！

演唱會銷情有信心

將舉行個唱的林峯表示仍在減肥中，希望做到零脂肪，談到因決定不續約而激怒無綫，更慘遭封殺，林峯說：「都係聽到你哋講（傳聞）先發覺。（傳吳雨出手都唔得？）冇嘅！唔到控制，自己做自己嘢啦！」他又表示總會有再合作的機會，問到少了電視的宣傳機會，可有影響演唱會銷情？他說：「老實講，每年演唱會賣飛嘅嘢都冇理，唯一擔心係要記演唱會嘅嘢，而我亦相信公司同事嘅能力。」而現場所見，眾電視台中唯獨是無綫未有採訪林峯。

DaDa真「胸」上陣

昨日27歲生日的DaDa心情大靚，更開玩笑表示衣着是為了配合外面風雨交加，她透露正努力減肥，又揚言不擔心上圍縮水：「情願細啲都想瘦，因為着衫都可以加墊嘛！今晚冇加墊！本來加咗，但太恐怖！」Jinny則自稱有自知之明，不敢與DaDa鬥：「冇諗過可以同佢比，想都冇想過！」而DaDa昨日上載一張由小蛋糕砌成心形的相片，更是一面甜笑，似乎是新對象大耍冧功，令人懷疑會否有「新戀情」曝光，難怪DaDa前晚出活動時春風滿面！

文：音樂組　

攝：吳文聰、張福宏