黎耀祥、蕭正楠、曹永廉和陳國邦昨日真空上陣為劇集《公公出宮》宣傳，但仍不及穿透視裝出「股惑」的陳庭欣搶鏡，她說：「希望推高收視。」

陳庭欣的側身透視裙性感到呢，冇人夠你搶鏡啦！

國邦（右起）、祥仔、蕭正楠和阿廉四位公公真空上陣，好肌呀！

蕭正楠扮跌嘢騷Quali，有睇頭。

定欣的露背裙都唔輸蝕，美背好白滑！

一眾《公》劇拍檔為蕭正楠慶生，非常興奮！

黎耀祥、蕭正楠、曹永廉和陳國邦昨日為無綫劇集《公公出宮》宣傳，四位「公公」穿西裝褸出場，邊行Catwalk邊除頸巾，原來內有乾坤，真空上陣的他們大方騷肌！蕭正楠扮跌東西，俯身騷胸肌，阿廉更被祥仔和蕭正楠狙擊除衫。

谷收視自認「膠」

胡定欣與林夏薇則以露背裝亮相，不過最性感要數出「股惑」、側身透視的陳庭欣，她說：「推高啲收視，希望有40點，第一次咁着，今朝唔敢食嘢，黐咗好多膠紙，覺得自己好膠！」

蕭正楠心急娶翠如

今日39歲生日的蕭正楠獲大會準備了蛋糕慶祝，祥仔與阿廉搞笑獻唱「生日歌」：「喃嘸阿彌陀佛。」問到與女友黃翠如怎樣慶祝？他說：「聽日可以一齊食飯，佢都提醒我年紀大喇。（暗示娶佢？）又冇咁講。（幾時結婚？）冇時間諗，之後六月又要開劇，希望快啲啦。」祥仔表示因收視好要履行承諾：「又話着泳衣都冇人着嘅，如果有40點，再叫曹永廉除啦。」

文：影視組