方力申的父親方毓仁昨日現身藝術展，對於兒子與鄧麗欣（Stephy）分手，他坦言不會過問兒子的感情事：「我個仔30幾歲啦，仲傾呢啲？我唔過問。（你好錫鄧麗欣喎？）個個都錫，個個都好。（10年感情就咁分手，覺得肉痛？）你問番佢啦！（方力申受訪時講到喊？）我唔知呀！（方力申喊，你好心痛？）佢當我面從來冇喊過。以前吳浩康講過孝順係叫父母唔使擔心，講得好啱。（咁方力申有冇用到呢個哲學？）有，佢好孝順。」此外，早前患病需要做手術的他透露，身體雖然未完全康復，但精神不俗，而且中氣十足。

方爸爸讚小方孝順免他操心，不打算過問其感情事。

Twins出席活動時被追問方力申與Stephy分手一事。

另一邊廂，Twins前晚出席頒獎禮時，鍾欣潼（阿嬌）被追問小方與Stephy分手一事，她說：「係人哋嘅事，我冇回應。（結束10年情覺得可惜？）唔回應！」再問到蔡卓妍可有發短訊慰問小方？她說：「佢哋都係大人，我唔回應啦！」