天后李玟（CoCo）昨日與英國人氣歌手Rita Ora齊齊現身中環一間餐廳，收起性感的Rita與CoCo相擁打招呼，又主動除下黑超，企定定讓記者拍照。CoCo表示有聽過Rita的歌，期待將來有機會合作，又透露最近忙於備戰《我是歌手4》決賽：「比賽4月15號完，之後會畀自己放大假。呢4個月冇覺好瞓，睡眠不足！（老公肉痛？）有，話成日見唔到老婆，佢明嘅，但心痛我咁辛苦。」

CoCo與Rita約埋開餐，一見面即攬攬打招呼。

問到是否打算下月中造人？她立即屈指一算，並笑言若成功造人，BB將與她同樣於1月生日，問到可有信心一擊即中？她再笑說：「2月嘅BB都好！」